Қызылордалық оқушылар робототехникадан әлемдік олимпиадада жеңіс тұғырынан көрінді. Зияткерлік мектеп шәкірттері Ернұр Сәду мен Алдияр Аппаз «Future Engineers» санатында ІІ орынға ие болды.
Түркияда өткен World Robot Olympiad – 2024 халықаралық олимпиадасына әлемнің 90 елінен үш жарым мыңнан астам жас инженер қатысты. Жаһандық жарыста ел намысын 13 команда қорғаса, соның екеуі ғана жүлдеге ілікті. Талдықорғандық оқушылар «Future Іnnovators Senior» санатында ІІІ орын алса, сырбойылық өрендер күміс жүлдені еншілеп отыр.