#qyzylordatv #news #қызылорда #жаңалықтар #nauryz #өнерпаздар#еуропа
Түркі әлемінің төл мерекесі Наурыз мейрамында қызылордалық өнерпаздар Финляндия, Эстония, Испания мемлекеттерінде өнер көрсетті. Осылайша Еуропа төрінде бір апта бойы қазақ мәдениетін дәріптеп, талайды тамсандырған Сыр өнерпаздары туған жерге оралды.
Сайдың тасындай іріктелген Сыр өнерпаздары әуелі Финляндия астанасы Хельсинки қаласында өнер көрсетті. Мұнан соң олар Таллин, Мадрид қалаларында болып, «Жарапазан», «Шашу» сынды ұлттық дәстүрлерімізді дәріптеді. Кәрі құрлықта «Ақмешіт» фольклорлық ансамблі мен классикалық музыка шеберлері тыңдармандарды саз сиқырына бөлесе, Сыр сүлейлерінің ізбасарлары жыршылық өнерді дәріптеді. Еуропа төрінен абыроймен оралған өнерпаздарды қызылордалықтар зор ықыласпен әуежайдан күтіп алды.
МҰХТАР НИЯЗОВ – АЙТЫСКЕР АҚЫН /Былтыр мәдениет жылы жарияланды. Соның ішінде қаншама біздің әріптестеріміз баспаналы болды. Екі үлкен қалада Сыр бойының өнер күндерін өткіздік. Сол кезде шіркін шет елге де Сыр бойының өнерпаздары шықса олқы емес қой деген ұсыныстар айтылған. Нұрлыбек Машбекұлы арнайы өзінің қолдауымен Сыр бойынан шыққан бір топ өнерпаз Еуропаның 3 мемлекетінде өнер көрсетті/
САМАЛ БАЙСЕЙІТОВА – ӘНШІ /Біздің гостролдік сапарымыз өте сәтті болды. Еуропа төріндегі біздің қандастарымыз, бауырларымыз төл өнерімізді, ән-күйімізді тыңдап, өздерінің туған жерге деген сағыныштарын ыстық сезіммен жеткізіп, құшеметтерін білдірді. Сонымен қатар, сондағы тұрғылықты халық та біздің өнерімізге тәнті болып, құрметтерін білдірді/