Қызылордада резонанстық сот ісіне нүкте қойылды. 16 жастағы кәмелетке толмағанды жезөкшелікпен айналысуға тарту бойынша қылмыстық іске қатысты осыған дейін бірнеше адам сотты болған. Ал дәл бүгін тағы 9 азаматқа бас бостандығынан айыру жазасы тағайындалды. Одардың бесеуі кәмелетке толмағандар.
Кәмелетке толмағандарға қатысты ірі мөлшерде пайда табу мақсатында қорқытып алушылық, көрінеу кәмелетке толмаған адамға қатысты азаптау баптары бойынша айып тағылып отыр. Айта кетейік, бұл іс жабық сот отырысында қаралды. Сотталушылардың кінәсі оқиға орнын, заттар мен құжаттарды қарау хаттамаларымен, бейнежазбалармен, "WhatsApp" арқылы хат-хабарлармен, карточкалық шоттардың банктік үзінділерімен, сараптама нәтижелерімен, сондай-ақ жәбірленушінің жауабымен дәлелденген.
СӘБИТ РҮСТЕМОВ – ҚЫЗЫЛОРДА ОБЛЫСЫНЫҢ КӘМЕЛЕТКЕ ТОЛМАҒАНДАРДЫҢ ІСТЕРІ ЖӨНІНДЕГІ МАМАНДАНДЫРЫЛҒАН АУДАНАРАЛЫҚ СОТЫНЫҢ СУДЬЯСЫ
//Сот үкімімен кәмелетке толмағандар М.Н., А.Ж., Қ.Д. ҚК-нің 134-бабы 3-бөлігі, 1),2)-тармақтары, ҚК-нің 194-бабы 3-тармағы 2)-тармақшасы, ҚК-нің 110-бабы 2-тармағы 1)-тармақшасы бойынша кінәлі деп танылып, қылмыстық құқық бұзушылықтар жиынтығы бойынша оларға 6 жыл 8 ай бас бостандығынан айыру түріндегі жазалар тағайындалды. Сотталушы Б. ҚК-нің 194-бабы 2-бөлігін 2)-тармақшасы бойынша кінәлі деп танылып, оған 4 жыл 8 ай бас бостандығынан айыру жазасы тағайындалды. Сотталушылар Т. және Қ. ҚК-нің 28-бабының 5-бөлігі, 194-бабы, 2-бөлігі 1),2)-тармақшасы бойынша кінәлі деп танылып, оларға 4 жыл 8 ай бас бостандығынан айыру жазасы тағайындалды. Сотталушылар Т., Б. және Т. ҚК-нің 134-бабы 3-бөлігі 1)-тармағы және ҚК-нің 194-бабы 2-бөлігі 2-тармағы бойынша кінәлі деп танылып, қылмыстық құқық бұзушылықтардың жиынтығы бойынша олардың әрқайсысына 7 жыл 6 ай бас бостандығынан айыру түріндегі жаза тағайындалды. Үкім заңды күшіне енген жоқ.//