#qyzylordatv #news #қызылорда #жаңалықтар #жаңақорған#баспана
Жаңақорған ауданында тағы бір отбасы баспаналы болды. «Жаңарған Жаңақорған жастары» еріктілер тобы мен аудан тұрғындары бірігіп, жылдағы дәстүр бойынша мұқтаж отбасыға жаңа тұрғын үйдің кілтін табыстады.
Әлия Абжалова тағдыр тауқыметін тартса да, қиындыққа мойымай келе жатқан жан. Ұлы мен келіні, алты немересімен бірге баспанасыз жүргеніне бірнеше жылболған. Қарт ана «үйлі боламыз деп ойламадым»,-дейді.
ӘЛИЯ АБЖАНОВА – АУДАН ТҰРҒЫНЫ
Үй алам деп ойлаған жоқпын, мешіттен шақырғансоң келгенмінғой, рақмет барлығыңызға, Аллаға рахмет, осы үйді бергеніне, көптен күткен үйім еді
«Жаңарған Жаңақорған жастары» еріктілер тобына бүгінде 300-ге жуық аудан кәсіпкерлері мен белсенді жастар мүшелік етеді. Қайырымдылық жасап, елдің алғысын алуды мақсат еткен жандар қатары күн санап артып келеді.
ДАНИЯР ДОСАНТАЕВ - ЕРІКТІ
// Аудан азаматтары, аудан тұрғындарының, кәсіпкерлер қолдауымен қаншама істер бітіп жатыр. Оны таңдалған кезде де аудан азаматтарынан, аудан тұрғындарынан өте жоғары сараптан өтіп, шын мұқтаж жанға берілетін болады. Жылда «Жаңарған Жаңақорған жастарының» баспана салу әдісі, асар әдісімен салынуы, басқа аудан, басқа облыста болса екен деген ниеттеміз, біз жастар біріксек бітпейтін іс жоқ.//
ДӘУЛЕТБЕК ТҰРАБАЕВ - ЕРІКТІ
Керемет, қуаныш болып жатыр, «Жаңарған Жаңақорған жастары» айта кетейіп, бес жыл бұрын құрылған, биыл алтыншы жыл, Төрт бағытта жұмыс жасадық, спорт, қайырымдылық,руханият, білім бағыты. Соның ішінде қайырымдылық бағытындағы 13-інші отбасыға үйін табыстап жатырмыз. Барша отбасына Алла тағала құт-береке, табыс берсін,
Жұмыла көтерген жүк жеңіл. Жаңақорғандық жастар көпке үлгі болған бұл игі істі әлі де жалғастырмақ ниетте.