Өңірде кәмелетке толмағандардың арасында және оларға қарсы жасалатын қылмыстардың алдын алып, құқықтық тәртіпті қамтамасыз ету мақсатында жүргізілген «Көктемгі демалыс» жедел-профилактикалық іс-шарасы қорытындыланды. Нәтижесінде, облыс бойынша 296 түрлі әкімшілік хаттама рәсімделсе, 11 жасөспірім ішкі істер органдарының есебіне алынды. Бұл туралы облыстық полиция департаменті жергілікті полиция қызметі басқармасының бастығы Ердәулет Жаукеев мәлімдеді.
«Көктемгі демалыс» жедел-профилактикалық іс-шарасы наурыз айының 29-ы мен 31-і аралығында жүргізілді. Оған қалалық полиция басқармасы мен аудандық полиция бөлімінің қызметкерлері, жастар ресурстық орталықтарының өкілдері мен мектеп мұғалімдері қатысты. Аталмыш іс-шара барысында беймезгіл уақытта көше кезіп жүрген және түнгі уақытта ойын-сауық орындарында ата-ана бақылауынсыз жүрген балаларды анықтап, есепке алды. Нәтижесінде:
ЕРДӘУЛЕТ ЖӘУКЕЕВ – ОПД ЖПҚ БАСҚАРМАСЫНЫҢ БАСТЫҒЫ // Іс-шараның қорытындысымен барлығы 296 түрлі әкімшілік құқықбұзушылықтар анықталды. Оның 11-і кәмелетке толмағандар ішкі істер органдарының есебіне алынды. 5 қадағалаушы және панасыз қалғаны үшін, 1 жасөспірім тыйым салынған затты алып жүргені үшін ішкі істер органдарына жеткізілген. Әкімшілік кодексінің 27 бабы бойынша ата-ананың немесе басқа да заңды өкілдерінің балаларды тәрбиелеу жөніндегі міндеттерін орындамағаны үшін барлығы 23 ата-анаға хаттама толтырылды.//
Сондай-ақ, кәмелетке толмағандарды жәбірлеу дерегі бойынша 3 құқықбұзушылық анықталған. Оның екеуі Сырдария, ал біреуі Жаңақорған ауданында тіркеліп отыр. Мұнан бөлек, 18 жасқа толмаған балаларды ойын-сауық орындарына кіргізгені үшін 10 кәсіпкер және 21 жасқа толмағандарға темекі бұйымдарын сатқан 2 тұлға әкімшілік жауапкершілікке тартылды. Мамандардың айтуынша, қоғамдық орындарды ластау дерегі әлі де тыйылмай тұр.
ЕРДӘУЛЕТ ЖӘУКЕЕВ – ОПД ЖПҚ БАСҚАРМАСЫНЫҢ БАСТЫҒЫ //Қалада 11, Арал, Қазалы, Жалағаш, Шиелі, Жаңақорған аудандарында 1 деректен анықталып отыр. Ал ұсақ бұзақылық бойынша 3 дерек анықталды. Қалада 2, Шиеліде 1. Олардың заңды өкілдеріне тиісті шаралар көрілді. Түнгі тыныштықты бұзу бойынша 4 дерек анықталып отыр. Қызылорда, Шиелі және Жалағаш аудандарында. Түнгі уақытта заңды өкілдерінің еріп жүруінсіз ойын-сауық мекемелерінде болған барлығы 235 кәмелетке толмаған анықталып, олардың заңды өкілдеріне хаттама толтырылды.//
Жедел-профилактикалық іс-шара барысында бала тәрбиесіне немқұрайлы қараған 13 ата-ана есепке алынды. Егерде бұл жағдай екінші рет қайталанса, ескертумен шектелмей, айыппұл арқаламақ.