#qyzylordatv #news #қызылорда #жаңалықтар #пойыз#автобус#авария
Қызылордада жүк пойызы автобуспен соқтығысты. Оқыс оқиға қала шетіндегі шыны зауытына баратын теміржол тұйығына барар жолда тіркелген.
Түнгі уақытта индустриялық аумаққа бағыт алған жүк вагондары Қашаубаев көшесін қиып өтетін тұста «Setra» маркалы автобуспен соғысқан. Салдарынан 7 адам түрлі дәрежедегі жарақат алса, төртеуі алғашқы медициналық көмектен соң үйлеріне қайтарылыпты. Ал үш жолаушы ауруханаға жатқызылған. Қазіргі таңда полиция бұл дерек бойынша қылмыстық іс қозғалғанын хабарлады.
РАХЫМЖАН СҰЛТАНҚҰЛОВ – ОПД АНЫҚТАУ БАСҚАРМАСЫ БАСТЫҒЫНЫҢ МІНДЕТІН АТҚАРУШЫ
//Қазіргі уақытта жол қозғалысы қауіпсіздігін немесе теміржол көлігін пайдалану ережелерін бұзу дерегі бойынша қылмыстық іс қозғалды. Тергеу жүргізілуде. Жол-көлік оқиғасының мән-жайлары анықталуда. Өзге ақпараттар жария етілмейді. //