«Құрылыс индустриясының қарқын алуы қуатты жастардың қолында». Бұл WorldSkills Kazakhstan жобасында топ жарып, аймақ мерейін асырған Алматбек Амангелдиевтің пайымы. Құрыш қолды құрылысшы болуды мұрат еткен жаспен тілшіміз кездесіп қайтқан еді. Сюжетке зер салайық...
Алматбек Амангелдиев құрылыс саласының қыр-сырына қанығып жатқан жастың бірі. Бүгінде ол Абылайхан атындағы жоғары колледжінің 4-ші курсында білім алады. Талабы таудай жасты жұмысқа қабылдауға асық компаниялар аз емес. Өйткені, Алматбек шаруаға ширақ, ісіне ұқыпты. Оған қоса, жұмысшы мамандар арасындағы байрақты бәсекелерде топ жарып үлгерген.
АЛМАТБЕК АМАНГЕЛДИЕВ – СТУДЕНТ /// байқауға 2022 жылы құрғақ құрылыс құзіреттілігі бойынша қатысқан болатынмын. Ол кезде екінші орын алдым. 2024 жылы «плиткамен қаптау» құзіреттілігі бойынша жарысқа қатысып бірінші орын алдым. Осылайша, ұлттық құрама сапына алындым.
Жуырда Алматбек EUROSkills жобасының іріктеуіне қатысып, Дания мемлекетінде өтетін чемпионатқа жолдама алды. Қазір қызу дайындық үстінде. Жігерлі жастың жетекшісі - Айбек Кішкенеев. Айтуынша, соңғы жылдары жұмысшы мамандарға сұраныс артқан. «Оқу ордасын бітірген түлектердің 70 пайыздан астамы жұмысқа орналасты», дейді ол.
АЙБЕК КІШКЕНЕЕВ - АРНАЙЫ ПӘН ОҚЫТУШЫСЫ //// Біздің колледжде 150-ге жуық жас білім алады.
Биыл - жұмысшы мамандықтар жылы. Осыған орай Алматбек замандастарымен бірге кафельден арнайы ескерткіш тақта әзірлеп жатыр. Алдағы күндері оның бұл жұмысы көпшіліктің назарына ұсынылмақ.