#qyzylordatv #news #қызылорда #жаңалықтар #банк #салық
Салық төлеу және бизнесті «көлеңкеден» шығару. Бүгін үкімет отырысында премьер-министр Олжас Бектенов осы екі маңызды міндетті атап өтіп, мемлекеттік қызметтерді дамыту мен цифрландыру ісін одан әрі жетілдіру қажет екенін айтты.
Жиынға қатысқан – «Kaspi. Kz» басқарма төрағасы және Freedom Holding Corp бас атқарушы директоры баяндама жасады. Олар мемлекеттік қызметтерді алу үдерісін азаматтар мен бизнеске ыңғайлы ететін негізгі жобаларын ұсынды. Үкімет басшысы мемлекеттік қызметтерді онлайн ұсынып отырған банктердің оң нәтижесін атап өтіп, бірқатар тапсырма жүктеді. Сондай-ақ, банк секторының цифрландыру, онлайн қызмет ұсыну бағытында жетістіктеріне оң баға берді.
ОЛЖАС БЕКТЕНОВ - ҚР ПРЕМЬЕР-МИНИСТРІ
«Біз банктермен серіктестіктің оңтайлы нәтижелерін көріп отырмыз. Банктік қосымшалар арқылы жүретін қарапайым әрі жылдам процестердің арқасында онлайн қызметтермен қамту деңгейі артып келеді. Сонымен қатар, мемлекет басшысының тапсырмасына сәйкес, Қазақстанда жасанды интеллектіні белсенді түрде енгізу керек. Бірінші кезекте электрондық үкімет платформасында осыған басымдық берілуі тиіс».