#qyzylordatv #news #қызылорда #жаңалықтар #жұмысшымамандық
Жұмысшы мамандықтарды дәріптеу қоғамда еңбекқор азаматтардың қалыптасуына ықпал етеді. Президент бастамасынан соң елімізде техникалық және кәсіби білімге басымдық беріліп жатыр. Сондай-ақ көптің ішіндегі нағыз еңбеккерлердің ісін үлгі ету еңбек адамының мерейін үстем етпек. Сондай кейіпкерлердің бірін тілшімізіздеп тапқан екен. Сюжетке зер салайық.
Адал еңбек мерейіңді өсіреді. Бұл сылақшы болып еңбек ететін
Эльмира Мударисованың өмірлік ұстанымы. Ол ширек ғасырдан бері қолынан қалағын тастамаған. Сүйікті ісін жетік меңгерген маман ерлермен иық тіресе жұмыс істеп келеді. Қаладағы ірі құрылыс нысандарының сәулетті салынуына үлес қосуда.
ЭЛЬМИРА МУДАРИСОВА - СЫЛАҚШЫ
// Папам денсаулығыңа қиын болады деп, уайымдады.Былайынша қарсы болған жоқ.// 1989 жылдары Сутекс деген компания болды Қызылордада, сол компанияга барып жұмысқа тіркелдім ученица болып бардым содан көтеріліп 4 разрядқа көтерілдім сүйтіп жұмыс істедім.
«Әйел бір қолымен бесікті тербетсе, бір қолымен әлемді тербетеді». Бұл нәзік жандардың болмысын бейнелей айтылса керек. Ал біздің кейіпкеріміз «Ынта, талап, жігер – бар істің бастауы» деп санайды. Құрылыс алаңынгдажүріп талай қиындықпен бетпе-бет келсе де, өз ұстанымынан айныған емес. «Саланың ауырлығына қарамастан мен өз мамандығымды шын жүрегімен жақсы көремін»,- дейді Эльмира Мударисова.
ЭЛЬМИРА МУДАРИСОВА - СЫЛАҚШЫ
// Үйлер салынып жатқан кезде сылақшының жұмыстары қиындау. Косметический ремонт дегенде ол деген онша қиындау емес. Өйткені сен келген кезде үстін тегістеп обой жабыстырасың, красклейсің ол шамалы жеңілдеу жұмыс.// Келесің квартираға түрі жаман квартираға, ол квартираны әдемілеп жасаған кезде кеткің келмей қалады.Ұнап қалады сол жер.
Жұмыста темірдей тәртіпке бағынған ол отбасында аяулы жар, ибалы келін, төрт перзент өсіріп отырған көп балалы ана. Немере сүйіп, әже де атанған. Қызығы мен қиындығы мол бейнеттен адал асын ішкен ол бойында қуаты барда еңбектен қол үзгісі келмейді. Таңдауына да еш өкінген емес. Қайта жас буынды өзі секілді еңбекке баулып, білгенін үйретуден жалыққан емес.