Облыс орталығында велоспорттан дәстүрлі республикалық турнир бастау алды. Байрақты бәсеке белгілі жаттықтырушы Валентин Захарович пен КСРО спорт шебері Раис Бадретдиновты еске алуға арналған. Көпкүндік веложарыста 150-ге жуық шабандоз сынға түсіп жатыр.
Сыр өңіріндегі жарысқа 9 команда қатысуда. Велоспорт додасында 15-16 жас ерекшелігі бойынша ұлдар мен қыздар бақ сынап жатыр. Турнирдің алғашқы күнінде оларға жарыстың ережесі түсіндіріліп, велоспорт майталмандары ақыл-кеңесін айтты.
РУСЛАН МҰРАТБЕКОВ – ЖАРЫСТЫҢ БАС ТӨРЕШІСІ // Бірінші жарыс пролог болады 8 шақырымға. Алматы, Астана, Өскемен, Талғар, Талдықорған деген секілді қалалардан келіп жатыр. Бұрынан келе жатқан балалар. 1,2 жыл, 3 жыл қатысқан балдар бар. Сезон енді басталған соң ҚР чемпионатына дайындығын көреміз//
Жалпы көпкүндік веложарыс барысында спортшылар топтық және жекелей бағдарламалар бойынша сынға түседі. Велошабандоздар әуелі Сырдария өзенінің сол жағалауындағы тас жолда 8 шақырымды жекелей жүріп өтсе, тағы бір кезеңінде командалық жарысқа түседі.
Мықтылар додасында 35 жерлесіміз аймақ намысын қорғайтын болады. Өңір командасын жарыс жолына ел чемпионы Ринат Ерік бастап шықты.
РИНАТ ЕРІК – ВЕЛОШАБАНДОЗ // Бүгінгі жарыстан жақсы нәтиже күтемін. Бас жүлде аламын деп отырмын. Осы жарысқа жақсы дайындалып келдім. Қырғыстанда бір ай дайындалдық. Осы жарысқұа дайынмын//
Велобәйге қорытындысымен жеңімпаздарға арнайы диплом, медальдар мен естелік сыйлықтар табысталады. Сондай-ақ, оқ бойы оза шыққан шабандоздардың арасынан өңір құрамасы жасақталып, алдағы ел біріншілігінде Сыр намысын қорғайтын болады. Ал, велодода 4-ші сәуірге дейін жалғасады.