#qyzylordatv #news #қызылорда #жаңалықтар
Қоғамдық кеңестің құқықтық комиссиясында құрылысы созбалаңға салынған нысандарға жүрігізілген мониторинг пен тұрғын үй бөлінісі бойынша кеткен кемшіліктер сараланды. Айта кету керек, қоғамдық кеңес пен антикор бұл бағытта бірлесе жұмыс жасап келеді.
Облыста құрылыс қарқынды жүргізіліп келеді. Ал, сол қарқын кей объектілерде тоқтап қалса, қоғам оны жемқорлықтың көрінісі ретінде қабылдайтыны жасырын емес. «Сақалды» құрылыс өз кезегінде мемлекеттік органдардың әрекетсіздігі ретінде қабылданатыны айдан анық. Әлі күнге дейін эссиэс инжиниринг компаниясына қатысты шағымдар еліміздің әр қиырынан шығып жатыр. Қазалылықтар Қарлан көпірін күтіп жүр әлі. 5 жыл бұрын салынған кей нысандар аз уақыт ішінде апаттық ахуалға ұшырауы да коррупцияның ұштығын анық байқатады. Міне, сондықтан антикор мен қоғамдық кеңес бұл ретте үздіксіз мониторинг жүргізіп келеді. Қаржы мақсатты әрі үнемді жұмсалуы маңызды. 2024 жылы осы бағытта 5 құрылыс объектісі бойынша 1,1 млрд теңгеден астам бюджет қаржысының тиімді жұмсалуына қол жеткізді. Дейтұрғанмен, созбалаңға салынған нысандар жоқ емес.
Тұрғындарды баспанамен қамту бағытында да коррупция тәуекелдерінің алдын алу маңызды. Жетім мен жесірдің ақысын жемеген дұрыс. Осы ретте жетім балалар санаты бойынша талдау нәтижесінде 4 адамның кезегі қайта қалпына келтірілді.
Бұл ретте тұрғын үй кезегінде тұрған жетімдер мен апаттық үй иелеріне баса мән берген маңызды деген ұсыныс айталды. Аталған бағыттағы жұмыстар одан әрі жалғасатын болады. Қысқасы, қол мен ардың тазалығы маңызды. Елде Презимдент пәрмен берген заң мен тәртіп қағидатының шегесі мықтап қағылуы керек.