#qyzylordatv #news #қызылорда #жаңалықтар #қаржы #аудит
Облыс бойынша тексеру комиссиясы бірнеше мемлекеттік мекемеде аудиторлық тексеріс жүргізіп, заң бұзушылықтарды анықтады. Мәселен 2021-2024 жылдар аралығында 27 миллиард 700 миллион теңгеге қаржылық бақылау жүргізілген.
Мемлекеттік аудит барысында бюджет қаржысын тиімсіз жоспарлау, соның ішінде негізсіз еңбекақы, материалдық көмек алу, іссапар шығындарын пайдалану секілді құқық бұзушылықтар анықталып отыр. Мемлекеттік аудит барысында бюджет қаражатын яғни 3 млрд теңгеге жуық қаражатты тиімсіз жоспарлаған.Зерделенген заң бұзушылықтарды жою және оған жол берген лауазымды тұлғалардың жауапкершілігін қарау мақсатында тексеру комиссиясы рәсімдік сипаттағы 214 бұзушылық белгілі болды. Нәтижесінде мемлекеттік мекемелердің жауапты тұлғалары тәртіптік жауапкершілікке тартылды. Сонымен қатар, әкімшілік құқық бұзушылықтарға жол берген тұлғаларға 36 ескерту берілген. Сондай-ақ заң бұзушылықтарға жол берген мекеменің лауазымды тұлғаларына 3 млн теңгеден астам айыппұл салынған. Анықталған заң бұзушылықтар қатарында облыстық дене шынықтыру, спорт және туризм басқармасы да бар. Мемлекеттік аудит нысандарында 85 миллион теңгеге жуық қаражат негізсіз жұмсалған. Қазіргі таңда облыстық тексеру комиссиясы қаржылық заң бұзушылықтар бойынша бақылауды күшейтіп жатыр.
ЕРБОЛ ӘБДІРАХМАНОВ - ОБЛЫСТЫҚ ТЕКСЕРУ КОМИССИЯСЫНЫҢ МҮШЕСІ
// «84.1 миллион теңгенің қаржылық бұзушылығы, оының ішінде 24,5 млн, теңгесі аудит барысында қалпына келтірілді. Бюджет кірісіне өтуге жататын 59,6 млн теңгенің бүгінгі күні 15,8 млн теңгесі өтелді. Қалған 43,8 млн теңге осы жылдан кешіктілірмей бюджетке өтеледі. Бұл туралы тапсырмалар берілді. Мысалға соның бірі мемлекеттік аудит обьектісінің бас есепшісі 29,5 млн теңге жалақыдан тыс және іссапар шығындарын негізсіз аударған, оның ішінде бас есепші өзіне аударғаны 8,6 млн теңге. Бұған қоса осы обьектінің бас есепшісі 2021-2024 жылдары аралығында спорттық іс шаралар бойыншақызметкерге аударылған 195 млн. теңгеден астам қаржының құжаттарын сақталуын қамтамасыз етпеген».