#qyzylordatv #news #қызылорда #жаңалықтар #кітап #кітапхана
Бүгін – балаларға арналған халықаралық кітап күні. Атаулы күнге орай бірқатар елде «Балалар мен жасөспірімдер кітабы» апталығы өткізіледі. Ал біздің елде балалар әдебиетінің маңыздылығына қаншалықты көңіл бөлініп жүр? Тілшіміз тарқатады.
\\Кітап - жан азығы. Баланы ерте жастан оқу-білімге баулып, даналыққа жетелейтін де осы кітап. Бір қызығы барлық оқулықтың күрделі бастауы осы балалар әдебиетінен басталады//
Кітап –өз құнын жоймай, бабалар ізін жас ұрпаққа жалғап келе жатқан асыл мұра. Ал балалар әдебиеті - қиялға қанат бітіріп, арманға жетелейтін жол. Сол мұраның сақтаушысы – кітапханашылар. Шыны керек, технологияның түрленген тұста баланы кітапқа байлап ұстау мүмкін емес. Дегенмен өңірде жас оқырмандардың кітапқа қызығушылығы жаман емес.
МАРЖАНКҮЛ АЙГИСИНОВА – БАЛАЛАР ӘДЕБИЕТІ БӨЛІМІНІҢ МЕҢГЕРУШІСІ
//Балалар әдебиеті бөліміне жыл сайын сегіз мыңға жуық балалар тіркеледі. Көбісі көркем әдебиет жанрының ішіндегі шытырман оқиғаларды оқиды мектептік бағдарламасына сай әдебиеттердіде оқиды.Балала әдебиеті бөлімі 2 жастан 15 жас аралығында балаларға қызмет көрсетуде.//
Төл әдебиеттегі балалар тәрбиесінің бастау бұлағы – Ыбырай мен Абайдан бастау алса, бүгінде бұл қатарды жаңашыл жас буын толықтырып келеді. Солардың бірі жас қаламгер - Алтынай Айбекқызы. «Өз шығармаларында оқырманның қиялын дамытып, жүрегіне адалдық пен мейірімділікті сіңіру басты мақсатым» дейді ол.
АЛТЫНАЙ АЙБЕКҚЫЗЫ – ЖАС ҚАЛАМГЕР
// Мен жеті жасымнан ертегі жаза бастадым, ең алдымен бірінші сурет саламын сол суреттерге қарап ертегі жаза бастадым. Менің ертегілерім көбінесе жан-жануарлар туралы, яғни жан-жануарлар арқылы диалог құрып олардың арасында кіші жастағы балаларға жағымды-жағымсыз қасиеттерді насихаттаймын. Мысалы, достық, адамгершілік, мейірімділік, жанашырлық тағыда басқа қасиеттерді осы ертегілерде жазу арқылы насихаттаймын. Алдағы уақытта бесінші кітабымды шығаруға ниеттеніп отырмын, бірақ ол көбінесе жастарға арналған кітап болады//
Қазіргі таңда Алтынай бастауыш пәнінен мұғалім мамандығын меңгеруде. Балалардың қызығушылығын сабақ уақытында саралайтынын жеткізді. Бүгінге дейін жас қаламгердің жүз жетпіске жуық ертегілері мен екі жүзден астам өлеңдер жинағы оқырманға жол тартыпты.