Қазақтан шыққан тұңғыш ғарышкер, Халық қаһарманы Тоқтар Әубәкіров Халықаралық журналистер кеңесінің құрметіне бөленді. Марапаттау рәсімі Түркияның Алания қаласында өтті.
Әуежайда Қазақстанның халық қаһарманын жұртшылық ыстық ықыласпен қарсы алды. Тоқтар Әубәкіровке Түркия елінің құрметі айрықша. Осыдан бір-екі жыл бұрын Түркияның орталық арналарының бірі Дүйсен Қасейновтің бастамасымен ғарышкеріміз туралы деректі фильм де түсірген.
Халықаралық деңгейде өткен басқосуға әлемнің 50-ден астам елінен делегат қатысты. Спортшылар мен мелмекеттік қызметкерлер марапаттарға ие болды. Тұңғыш қазақ ғарышкері Тоқтар Әубәкіров те халықаралық журналистер кеңесінің қошеметіне бөленді.
ТОҚТАР ӘУБӘКІРОВ – ҚР ХАЛЫҚ ҚАҺАРМАНЫ
"Түркияда мынандай алаңда, мынандай халықтың арасында осындай сыйлық берген мен өте ризамын. Түрік халқына тілейтінім бірлік, амандық әрі қарай Түрік халқының локомотивін болып, біздің басымызды қос берсін."