№1 Облыстық олимпиадалық резервтің мамандандырылған балалар мен жасөспірімдер мектебі жыл үздігін анықтады. Салтанатты шарада ең үздік спортшылар, жаттықтырушылар мен спорт бөлімшелері марапатталып, құрмет төрінен көрінді.
Спорт бәсекелерінде аймақ мерейін асырып жүрген жас спортшылар мен олардың бапкерлері жыл бойы төккен тер мен еңбектің жемісін көрді. Марапаттау рәсімінде облыстық дене шынықтыру, спорт және туризм басқармасының басшысы Бақтияр Артаев үздіктерді марапаттап, олардың жетістіктерін жоғары бағалады.
БАҚТИЯР АРТАЕВ – ОБЛЫСТЫҚ ДЕНЕ ШЫНЫҚТЫРУ, СПОРТ ЖӘНЕ ТУРИЗМ БАСҚАРМАСЫНЫҢ БАСШЫСЫ
2024 жыл толағай табыстар, жақсы жаңалықтар көп жыл болды. Бір дүркін емес, екі дүркін олимпиада чемпиондарын шығару көзделіп отыр. Кезінде Бекзат ағамыз да айтып кеткен. Сондықтан осындай мақсатпен осы елге келіп жатырмыз. Құдай қаласа, өздеріңнің араларыңнан екі дүркін әлем чемпионы шыға берсін. Жаңа жылға жақсы мақсаттар қою керепіз, алған белестен жаңа белеске ұмтылу керекпіз.
Жыл қорытындысы бойынша 17 жастағы Теміржан Тасқын «Ең үздік спортшы» атанды. Ол сегіз жылдан бері таеквондо спортымен айналысып келеді. Биыл Кореяда өткен әлем чемпионатында 48 келі салмақ дәрежесінде 3-орын иеленген. Теміржан сынды ел намысын қолдан бермей, әлемдік аренада көк туымызды желбіреткен спортшыларға құрмет те ерек.
ТЕМІРЖАН ТАСҚЫН – «ЕҢ ҮЗДІК СПОРТШЫ» НОМИНАЦИЯСЫНЫҢ ИЕГЕРІ
Таэквандо спорт түрімен 2016 жылдан бері айналысып келе жатырмын. 00-45 Биылғы жылы әлем чемпионатында 3-орын, Азия чемпионатында 3-орын және халықаралық жарыстардың жеңімпазы атандым.
Марапаттау кешінде «Ең үздік жаттықтырушы» номинациясын самбо бөлімшесінің жаттықтырушысы Жанар Дюсекенова иеленді. «Ең үздік спорт бөлімшесі» аталымына ауыр атлетика бөлімі лайық деп танылды. Салтанатты жиында бас-аяғы 50-ге жуық Сыр спортшылары мен жаттықтырушылары марапат төрінен көрінді.
АБАЙ ӘБІШЕВ – САМБО БӨЛІМШЕСІНІҢ ЖАТТЫҚТЫРУШЫСЫ
Самбо бөлімшесінде жұмыс жасаймын. Мекемеде қызмет атқарып жатқаныма 10 жылдан астам уақыт болды. Қазақстан республикасының жеңімпазы, Азия чемпиондарын, Әлем чемпионатының күміс жүлдегерлерін дайындадық. «Жыл үздігін» алып жатырмыз. Жеңісті күні жолыға берейік.Сыр спорты жасай берсін.
АСЛАН БОЛАТОВ – «ҮЗДІК СПОРТШЫ» НОМИНАЦИЯСЫНЫҢ ИЕГЕРІ
Кикбоксинг спорт түрінен спортшысымын. «Үздік спортшы» деген номинация алып отырмын. Барлықтарыңызға рақмет.
Салтанатты шара мерекелік концертке ұласты.