Дуальді оқыту жүйесі еңбек нарығында бәсекеге қабілетті мамандарды даярлаудың тиімді әдісіне айналып отыр. Бұл жүйе студенттердің теориялық білімін тәжірибемен ұштастыруына мүмкіндік береді. Қызылордада өткен «Тәлімгерлер мектебі» аясындағы екі күндік семинар осы мақсатты көздейді.
«Тәлімгерлер мектебі» аясында 40-қа жуық кәсіпкер мен мекеме мамандары білімін жетілдірді. Олар дуальды оқытудың маңыздылығын терең түсініп, студенттермен жұмысты қалай тиімді ұйымдастыру керектігін үйренді.
РАХЫМБЕК ЗЕЙНУЛЛИН – ОБЛЫСТЫҚ КӘСІПКЕРЛЕР ПАЛАТАСЫ ДИРЕКТОРЫНЫҢ ОРЫНБАСАРЫ
«Тәлімгерлер курсы» дегеніміз қазіргі күні замануй, өзекті кадрларды даярлауда маңызды рөл атқарады. Екі күн бойы коучтарымыз өңіріміздегі серіктестердің тәлімгерлеріне арналған курстар өтіп, қандай да бір жаңа бір ақпарат беруде. Өйткені әр кәсіпкер өз кәсіпорнында студенттермен жұмыс істейді. Сондықтан білімдерін жаңартып отыруы керек.
Елімізде дуальды оқыту жүйесі техникалық және кәсіптік білім беру саласында кеңінен қолданылып келеді. Бұл жүйе әсіресе инжинерия, құрылыс, ауыл шаруашылығы, IT, қызмет көрсету салаларында кең таралған.
ЛӘЗЗАТ ШОНАЕВА – «АТАМЕКЕН» ҰКП АДАМИ КАПИТАЛДЫ ДАМЫТУ ДЕПАРТАМЕНТІ ДИРЕКТОРЫНЫҢ ОРЫНБАСАРЫ
Мен кәсіпкерлер, мультипликаторлар және жұмыс берушілердің «дуальді оқытуға» деген қызығушылығын байқадым. Оларға біз педагогика мен психологияның базалық түсініктерін бердік. Себебі бұл – тәлімгерлердің өз ісіне және студенттердің білімге деген құштарлығын ашуға көмектеседі. Қатысушылардың тарапынан көптегеғн сұрақтар қойылды. Әлі де оқуға деген ықыластары ерекше.
МАДИНА РҮСТЕМОВА – АБЫЛАЙ ХАН АТЫНДАҒЫ ЖОҒАРЫ КОЛЛЕДЖІНІҢ ОҚЫТУШЫСЫ
Мен өндірістен келіп отырмын, сұлулық салонында жұмыс жасаймын және колледжде «шаштараз» мамандығы бойынша дәріс беремін. «Тәлімгерлер мектебі» жобасында дуальды оқыту бойынша толық мәліметтер алдық. Осы колледжбен сұлулық салоны арасында екі жақты келісім бар. Салонға студенттер тәжірибеден өту үшін келеді.
Шара соңында қатысушыларға арнайы сертификаттар табысталды. Ұйымдастырушылар алдағы уақытта да кәсіпкерлер мен тәлімгерлерді оқыту жалғасатынын атап өтті.