Бұрын адамзат баласы айшылық алыс жерлерден жылдам хабар алғанға таңданған. Қазір ол жаңалық емес, өйткені технологиялық дамудың жаңа кезеңіне қадам бастық. Жасанды интеллект ғылыми фантастика емес, армандағы дүниені ақиқатқа айналдырды. Бүгінгі тұтас әлемнің бағыты осы. Ал біздің қоғам ғарыштық жылдамдықпен дамыған жаңа жүйенің талабына дайын ба? Тілшіміз зерделеп көрді.
Еркебұлан Мырзабек IT саласы бойынша ғылыми ізденіс жолында жүрген белсенді жастың бірі. Бүгінде ол қатарластарымен бірге жасанды интеллект негізінде бірнеше қосымша әзірлеп жатыр. Мәселен, қатерлі ісікті ерте сатысында анықтайтын бағдарламасы мамандардың оң бағасын алған. Енді ол бұл жүйені әлде де жетілдіріп, мыңдаған жанның дертіне дер кезінде араша болуды көздейді.
ЕРКЕБҰЛАН МЫРЗАБЕК – СТУДЕНТ / Медицина саласына байланысты ол жаңағы адам миының ішіндегі ракты анықтайтын программа. Ол рактың бар жоғын сурет арқылы диагнозын қоя алады. Қазіргі таңда біз дистатратон 2 0 һакатонына қатысып жатырмыз ол республикалық һакатон оның ішінде 4 команда болып қалдық финалға Қызылорда Алматы Астана қаласындағы командалары. Біз һакатонда телеграм минап жасап жатырмыз/
Бүгінде жасанды интеллект тек медицина ғана емес, өзге де салалардың жұмысын жеңілдетті. Әсіресе, алпауыт мемлекеттер қорғаныс жүйесін жетілдіруде нейрожүйенің көмегін көбірек пайдалана бастады. Мамандардың пайымдауынша, жасанды интеллект 2030 жылға қарай әлемдік жалпы ішкі өнімнің 7 пайызын құрауы мүмкін. Ал алдағы 2 жылда бұл жүйенің капиталдық мөлшері 400 млрд доллардан аспақ. Бір сөзбен, табиғи қазба байлықты ығыстыратын бірден-бір бағыт осы. Сондықтан, әлемдік көшке біздің ғылыми орта қазірден дайын болуы қажет.
ОРАЛБЕК АБДУЛЛАЕВ – ОҚЫТУШЫ - /Өзім жалпы осы кезге дейін осы бағытта пайтон машина оқыту бағытында 4 оқу тобына сабақ беріп үлгердім.Ол оқу тобтарына мен һакатон денсентратон сынды жарыстарға қатысып өзіміздің модельдерімізді өзіміздің жасаған жасанды интеллект бойынша модельдерді осындай бәйгелерге,жарыстарға шығарып өзімізің бағымызды сынап көрдік. Осы облыс көлемінде өткен һакатон байқауынан 3 бізде категория болды сол категориясында біз 1 орынға ие болдық.Осы қазір онлайн өтіп жатыр денсентратон деген жарыс ол Республика көлемінде осы жасанды интеллект жаңағындай телеграм приложениелер сайттар сияқты осындай категориялар бойынша жүріп жатыр/
Әрине, жасанды жүйенің біздің қоғамға пайдасы көп. Жұмысыңды жеделдетіп, ауыр жүкті жеңілдетеді. Бірақ мұның кереғар тұсы да жоқ емес. Мұның көмегіне бір үйреніп алған адам қарапайым ойланудан да қағылатын сыңайлы. Ең өзектісі, алдағы 10 жылдықта жер-жүзінде 85 млн маман жұмыссыз қалу қауіпі бар. Біздің елде жыл соңына дейін жасанды интеллект негізінде 50-ден астам көмекші құрал әзірленбек. Бұл бастамаға Сыр өңірінің ғалымдары да білек сыбана кірісті. Ал, жастар жағы жаңа жүйенің мүмкіндігін қалай пайдаланып жүр?
Жасанды интеллект адамзаттың бар жұмысын жеңілдеткенімен рухану құлдыруға алып келері анық. Сондықтан оның мүмкіндіктерін толық пайдалану үшін білім мен еңбек қажет. Ал жаңа жүйенің қоғам үшін пайдасын арттырып, зиянын азайтуды ғалымдар басты міндет ретінде көздеп отыр