Спорт әлемінен ақпар. Жалағаштық жеңіл атлеттер Алматыда өткен ел біріншілігінен олжалы оралды. Аймақ құрамасында өнер көрсеткен үш спортшы да жеңіс тұғырынан көрініп, найза лақтыру сайысында 2 алтын, 1 күміс медаль жеңіп алды.
Атап айтқанда 16 жасқа дейінгі қыздар арасында Сезім Шығанбай найзаны 33 метрге лақтырып үздік нәтиже көрсетті. Қоржынға түскен күміс жүлдені Балнұр Қалнияз жеңіп алса, ерлер арасында Нұрзат Ғалымұлы 56 метрлік көрсеткішпен үздік атанды. Осылайша, Нұрзат 15-19 сәуір аралығында Сауд Арабиясының Эль-Катиф қаласында өтетін Азия біріншілігіне жолдама жеңіп алды. Жалағаштық жас қазір құрлықтық бәсекеге қызу дайындық үстінде.
Айта кетейік, үш атлет те ел чемпионатының 4 дүркін жеңімпаздары. Ал, Алматыдағы ел біріншілігіне барлық облыстан 300-ден астам спортшы қатысқан. Жалағаштық жеңіл атлеттерді білікті бапкер Жандос Қарақұлов жаттықтырады.