#qyzylordatv
Премьер-министрдің орынбасары Қанат Бозымбаев Қазалы мен Қармақшы аудандарына жұмыс сапарымен барды. Сапар аясында шаруалармен кездесіп, егінді әртараптандыру бағытындағы жобалармен танысты. Сондай-ақ, сала мамандарымен бірге вегетациялық кезеңнің барысын бағамдап, «Басықара» су торабының жұмысын көрді.
«РЗА» акицонерлік қоғамы аймақтың агросаласындағы іргелі кәсіпорынның бірі. Биыл 4706 гектар алқапқа егін еккен. Оның 2 мың гектардан астамы күріш. Соңғы жылдардағы климаттық ахуалды ескерген агроқұрылым су үнемдеу технологияларын өндіріске енгізген. Жаңбырлатып суару жүйесімен жүгері дақылын өсіріп жатыр.
ДАСТАН САДЫҚОВ – АГРОНОМ //Бұл жерде 260 гектар егін егілген. 5 сурамалы жүйенің астында. 50 күн ішінде 2 метрде 20 см америкалық сорт бануды өсірдік. /Пландап отырмыз 600-800 цт аламыз деп.
Сырдарияның төменгі ағысындағы ауданда 9 шаруашылық егінмен айналысады. Биыл диқандар 17 445 гектарға дән тастаған. Күріштің көлемі - 5636 гектар. Дақылдың шығымдылығы 60 пайызды құрап отыр. Шаруаларға егін маусымынан шығынсыз шығу үшін жан-жақты қолдау көрсетіліп жатыр.
ЕРКІН СЕЙІТОВ - АУДАНДЫҚ АУЫЛ ШАРУАШЫЛЫҒЫ МЕН ЖЕР ҚАТЫНАСТАРЫ БӨЛІМІНІҢ БАСШЫСЫ / Жалпы аудан бойынша 42 насос бар.
Қанат Бозымбаев «Басықара» гидроторабының жұмысын көрді. Диқандармен кездескен вице-премьер қазіргі жағдайда суармалы суды тиімді пайдалану және су шығынын азайту үшін лазерлік жер тегістеу технологиясын енгізудің маңызды екенін жеткізді.
Мұнан соң үкімет басшысының орынбасары Қармақшы ауданындағы «Жаңажол» серіктестігіне барды. Биыл шаруашылық 3100 гектарға күріш еккен. Тіршілік нәрін тиімді пайдалану мақсатында 15 насос қондырғысын орнатып, қашыртқыдағы суды екінші мәрте кәдеге жаратып жатыр. Ал, егінді әртараптандыру бағытында тамшылатып суару технологиясымен алма бағын баптап отыр.
Вегетациялық кезеңнің барысын бағамдаған вице-премьер «көрші елдермен жүргізілген келіссөздердің нәтижесінде, 15 тамызға дейін Өзбекстаннан секундына 200 текше метр, Қырғызстаннан 150 текше метр су жеткізіледі» деді. Қазіргі жағдай Үкіметтің тұрақты бақылауында екенін айтты.