#qyzylordatv
Қазақ жеріне қырық жыл қасірет әкелген Семей ядролық полигонының жабылғанына биыл – 34 жыл. Атаулы датаға орай Қазалы ауданында еске алу шарасы ұйымдастырылды. Әскери борышын сынақ алаңында өткізіп, полигонның зардабын жоюға атсалысқан ардагерлерге құрмет көрсетілді.
Семей полигонында алғашқы сынақ 1949 жылдың 29 тамыз күні жасалған болатын. Ресми мәліметтерге сүйенсек, қырық жылдың бедерінде бес жүзге жуық ядролық сынақ өткізілген. Салдарынан бір жарым миллионнан астам адам денсаулығынан айырылды, қазақтың шұрайлы жері уланып, тозып кетті. Жердің жарығынан радиоактивті газдар ауаға бөлініп, тіршілік иелеріне орасан зиянын тигізді. Қазалылық Өмірбек Күлімбетов әскери борышын сынақ алаңының нақ ортасында өткізіп, талай жарылыстың куәсі болған азамат. Семей ардагері «көзге көрінбейтін соғыстан» аман сау келгенімізбен радиацияның зардабын әлі күнге дейін тартып келеміз,- дейді.
ӨМІРБЕК КҮЛІМБЕТОВ - «СЕМЕЙ-НЕВАДА» ҚБ АУДАНДАҒЫ ӨКІЛІ //Жалпы қазақтың екі қасірет аймағы бар. Бірі Арал апат аймағы болса, екіншісі Семей апат аймағы болды. Шығыста қалқан бола білдік. Біз отанымызды қорғадық. Әдепкіде бәрі құпия болды. Ол кезде жаспыз, ешнәрсені білмедік. Төрт радияциялық аймақ болды. Мен Аягөзде болдым. Оқу жаттығу дейдіғой. Бірақ олай болмай шықты. Екі айдан кейін шаш түсе бастады. Сынақта жүргенімізді білмедік. Оның несін айтамыз. Тек айтатыным соғыс болмасын.
Сынақ алаңына әскери борышын өтеуге Қазалы ауданынан екі жүзден астам азамат барған. Бүгінде олардың сексенге жуығы ғана арамызда. «Тағзым» алаңына жиналған ардагерлер ескерткішке гүл шоғын қойып, ядролық қарудың зардабынан қаза тапқан жігіттерді еске алды.
Ең соңғы ядролық сынақ қазақ жерінде 1989 жылы 19 қазанда жасалды. Ал, 1991 жылы Семей полигоны ресми түрде жабылды. Осылайша тәуелсіз қазақ елі әлемдегі төртінші ядролық арсеналдан ерікті түрде бас тарта отырып, өзге мемлекеттерге үлгі көрсетті.
ДӘУРЕН ТІЛЕУМБЕТОВ - АУДАН ӘКІМІНІҢ ОРЫНБАСАРЫ //Осы бір сынақ алаңында қырық жыл бойы бес жүзге жуық түрлі сынақтар болды. Оның зардаын біздің еліміз көрді. Оның ішінде өздеріңіз барсыздар....
Шара барысында Семей сынақ полигонының зардабын жоюға атсалысқан қазалылық ардагерлерге құрмет көрсетілді.