#qyzylordatv
Тәуелсіздіктің тұғырын тіктеген бас құжаттың қабылданғанына биыл - 30 жыл. Атаулы күнге орай Жаңақорған ауданында салтанатты жиын өтті. Онда жыл бедеріне жемісті жұмыс атқарған азаматтар марапатталды.
Конституция - бекем бірлігіміздің, тату тірлігіміздің, кемел келешегіміздің кепілі. Елдігіміздің ең басты құжаты азаматтарымыздың құқықтары мен бостандықтарын байлығымызға айналдырды. Жаңақорған ауданында әлеуметтің әлеуетін арттыру бағытында атқарылған шаруалар аз емес. Осынау толайым тірліктің барлығы тәуелсіздіктің ажырамас бөлігіне айналған заң үстемдігінің жемісі.
МАЖИТ САМИТОВ – АУДАН ӘКІМІ /Конституциямыздың арқасында елімізде ішкі тұрақтылық орнап, экономика алға басып, халықтың әл-ауқаты артты. Екі жыл бұрын аудан бюджетін 12,7 млрд теңге болса, бүгінде бұл көрсеткіш 22 млрд теңгеден асты. Соңғы үшін жылда ауданға 200 млрд теңге инвестиция тартылды. Жаңақорғанның келбеті жыл сайын жаңарып, ауыл-аймақтың ажары ашылып келеді.
Бас құжаттың баптары баянды болашаққа бағыт болды. Өрісті өлкеде заман талабына сай білім ошақтары бой түзеп, медициналық нысандар еңсе тіктеді. Бұған қоса, әлеуметтік жағынан әлсіз топқа жататын 124 отбасы қоныстойын тойлады. Ал, жарық желілер жаңғырту, газдандыру бағытында да екпінді еңбек жасалып жатыр. Мерейлі мезетте осынау байырқалы бастамалардың басында жүрген азаматтар марапатталды.
АЙДОС ЖОЛДЫБАЕВ - АУДАНДЫҚ СОТ ТӨРАҒАСЫ/ Конституция барлық заң құжаттарының ең негізгі құжаты болап табылады. Сондықтан оның рөлі өте жоғары. Заңға сүйеніп, қандай шешім болса да қабылданады. Қызылорда облысы, Жаңақорған ауданының халқын айтулы мерекемен құттықтады.
Салтанатты жиында мемлекеттік қызметке алғаш қабылданған қызметшілер ресми түрде ант берді.
Расында, Ата Заңымызды қадірлеп, қастерлеу ұлт алдындағы ұлы парыз. Салтанатты шарада аудан өнерпаздары ел рухын асқақтатар әндерден шашу шашып, мерекенің ажарын айшықтай түсті.