#qyzylordatv
Экологиялық апатқа ұшыраған Арал өңірін оңалту шараларына әлем ғалымдары қызығушылық танытып отыр. Бұған қоса, трансшекаралық өзендердің су қорын тиімді пайдалану – Үкімет назарында. Соның нәтижесінде өңірімізде суды үнемдеу технологиялары кеңінен қолданылуда. Ал бүгін қаламызда Арал өңірінің экология және агроөнеркәсіптік кешенін тұрақты дамыту мәселелері бойынша семинар-кеңес өтті. Еліміздің жетекші ғалымдары бас қосқан жиынға Қытай және Германия елдерінің делегаттары да қатысты.
Арал теңізінің жай-күйі, экологиялық проблеманың себеп-салдары баршаға белгілі. Өткір де өзекті мәселеге арналған жиында өңірдің экологиялық ахуалымен қатар теңізді қалпына келтіру мүмкіндіктері және ғылыми әріптестікті дамыту жайы кеңінен талқыланды. Мамандардың пікірінше, осы уақытқа дейін жүргізілген кешенді жұмыстардың нәтижесінде аймақтың экологиясына және экономикасында оң серпін бар. Арал теңізі бассейніндегі аймақты оңалту мақсатында көгалдандыру жұмысы жалғасып жатыр. Алдағы уақытта да агроөнеркәсіптік кешенді дамыту және қоршаған ортаны қорғау атқарушы биліктің, бизнес пен ғылыми қоғамдастықтың тығыз өзара іс-қимылын талап етеді.
ЛӘЗЗАТ ЖҮСІПОВА – ҚР СУ РЕСУРСТАРЫ ЖӘНЕ ИРРИГАЦИЯ МИНИСТРЛІГІ ҒЫЛЫМ ЖӘНЕ ИННОВАЦИЯЛАР ДЕПАРТАМЕНТІНІҢ ДИРЕКТОРЫ солтүстік арал теңізіне су беру лимиттерін бекітетін мемлекатералық үйлестіру , су шаруашылығы комиссиясы шеңберінде орталық азия елдері мен трансшекаралық ынтымақтастықта жалғасын табуда. Алайда су көлемінің азаюына жахандық климаттың өзгеруі де теріс әсерін тигізуде. Осыған байланысты аталған өзгерісмтерге бейімдеу жұмыстарына ғылыми негізі болғаны абзал.