#qyzylordatv
Қала іргесіндегі «Қызылжарма» ауылдық округінде 600 орындық жаңа мектеп бой көтерді. Білім ұясы «Келешек мектептері» ұлттық жобасы аясында салынған. Білім ордасының ашылу салтанатына оқу-ағарту министрі Ғани Бейсембаев пен облыс әкімі Нұрлыбек Нәлібаев қатысты.
9 мыңдай халқы бар ауылдық округте бұған дейін бір ғана мектеп болатын. Тиісінше, бала саны белгіленген межеден көп. Жаңадан ашылған білім ошағы орын тапшылығын толық шешті.
НҰРЛЫБЕК НӘЛІБАЕВ – ОБЛЫС ӘКІМІ // Жаңа оқу жылын біздің өңіріміз зор жетістіктермен, мол табыстармен қарсы алуда. Заман талабына сай, Алматы, Астана мектептеріне бергісіз керемет «Келешек мектебі салынып жатыр//
3 қабатты оқу ғимаратында 17 сынып кабинеті бар. Спорт және акт залдары, кітапхана, коворкинг орталықтары да қарастырылған. Сондай-ақ, мүнда біліммен қоса балалардың шығармашылығын шыңдауға басымдық беріледі. Ол үшін арнайы ән-күй класы мен тігін және ағаш шеберханалары жұмыс істейді.
Заманауи білім ошақтарының бой көтеріп жатқанына ата-аналар да дән риза..
Жалпы, жыл басынан бері аймақта осындай 8 мектеп салынған болатын. Бұл – тоғызыншысы.