Еліміздің барлық қалаларында бір мезгілде «Халық заңгері» жалпы республикалық акциясы ұйымдастырылды. Акцияға ең үздік заңгерлер мен адвокаттар қатысып, халықтың барлық сұрақтары мен шешілмеген даулары бойынша тегін кеңес берді.
Акцияның мақсаты - халықтың құқықтық сауатын арттыру. Қазақстан Республикасының Сыбайлас жемқорлыққа қарсы іс-қимыл агенттігі, ZAKON.KZ желілік басылымы және «Параграф» ақпараттық жүйесі шараны ұйымдастырып отыр. Жалпы бұл іс-шараға белгілі заңгерлермен қатар – құқық қорғау өкілдері және нотариустар қатысып, 200-ден астам азаматқа кеңес берді. Тұрғындар мұрагерлік, тұрғын үй, несие, сот шешімдерін орындау, қылмыстық және әкімшілік құқық бұзушылықтарға қатысты көкейдегі сауалдарын жолдады.
2016 жылы басталған акцияға бүгінге дейін 8000-нан астам үздік сарапшы мен мемлекеттік органдардың шешім қабылдай алатын құзіретке ие өкілдері қатысып, 165 мыңнан астам адам құқықтық кеңес алған.