#qyzylordatv #news #қызылорда #жаңалықтар #құтқарушы #жылқы
Жедел құтқару жасағының мамандары мұз құрсауында қалған жылқыны құтқарды.
Оқиға Сырдария өзенінің ескі базар тұсында орын алған. Иесінің айтуынша, жылқы арғы беттен келіп, су ішпек болғанда мұз ойылып кеткен. Осылайша, бір метрдей тереңдікке түсіп кеткен үй жануарын шығарып алу үшін құтқарушыларды шақыруға тура келіпті. Өйткені, жылқы мұзға кептеліп қалған. Жедел құтқару жасағының мамандары құрал-жабдықтармен және арнайы техниканың көмегімен жылқыны сыртқа алып шықты. Ал, қала тұрғыны төтеншеліктерге алғысын білдірді.
Жылқыны өзім шығара алмаған соң, құтқарушыларға жүгіндім. Қазіргі таңда жылқым аман-есен. Құтқарушыларға көп-көп рақмет. Алғысым шексіз.