#qyzylordatv #қызылордатв #news #новости #Nauryznama2025 #Nauryz #жаңаруайы
Бүгін Жалағаш ауданында да жұртшылық көптен күткен спорт кешені пайдалануға берілді. Енді ел байрағын биіктетуді көздеген жеткіншектер заманауи залда жаттығып, кәсіби мамандардан тәлім алмақ. Әз-наурыз мерекесіндегі берекелі бастама турасында тілшіміз сабақтайды.
Соңғы 2 жылда өңірде жиырмаға жуық спорт нысаны пайдалануға берілді. Кезекті кешен Жалағаш ауданынан бой көтеріп отыр. Ұлыс күні ел қуанышын еселеген шараға аймақ басшысы арнайы қатысып, саладағы серпінді бастамаларға тоқталды.
Спорт кешені «Ауыл - ел бесігі» бағдарламасы аясында салынған. Негізі құрылыс жұмыстары осыдан 4 жыл бұрын басталыпты. Бірақ мердігер мекеме ғимаратты межелі уақытта тапсырмаған. Дегенмен аймақ басшысының тікелей араласуымен аяқсыз қалған іске жан бітті. Әмбебап кешенде жас жеткіншектер күрес түрлерімен қатар, ауыр атлетика, волейбол секілді бірнеше спорттық үйірмелерде шеберлік шыңдайды.