#qyzylordatv #қызылордатв #news #новости #Nauryznama2025 #Nauryz #жаңаруайы
Қазақылықтың бойтұмарына айналған ұлық мерекеде жұлдызды қалашық тұрғындары қазан-қазан көже пісіріп, төс қағыстырып, бір-бірін жыл басымен құттықтады.
ГҮЛАЙ АШЕКОВА –ТІЛШІ//
Қаздай қатар қонған киіз үйлер нағыз қазақы ауыл іспетті. Әр мекеме, кәсіпорын, ұйымдар бірлесіп мерекелік тарту мен салт -дәстүр, әдет -ғұрыптарды көрсетуде. Ал, көрмеге ұлттық тағамдар, ұлттық қолөнер бұйымдары мен ұлттық аспаптар қойылған//
Тұрақтылыққа меңзейтін мерекені бірлікпен қарсы алған жұлдызды қалашық жұрты бір жағадан бас, бір жеңнен қол шығарып, татулықпен төс қағыстырды.
Ұлыс күнінде ҚР Президентінің Байқоңырдағы арнаулы өкілі, облыс әкімінің орынбасары Қайрат Ырзақұлұлы мен Байқоңыр қаласы әкімшілігінің басшысы Константин Бусыгин тұрғындарға ыстық ықыластарын білдіріп, бірқатар азаматқа Алғыс хат табыстап, бүлдіршіндердің тұсауын кесті.
Ұлыс күні қазыналы халықтың мол мұрасы насихатталып, ұмыт болып бара жатқан құндылықтар дәріптелді. Сондай-ақ, ұлттық тағамдар жәрмеңкесі ұйымдастырылып, көпшілік астан дәм татты. Ең қызығы, мұның барлығын қос мемлекеттің азаматтары қатар тойлап жатыр.
Саябақтың әр бұрышында өткен спорттық сайыстарға қатысушылар санында шектеу болған жоқ. Гір тасын көтеріп, садақ атудан сынға түскен спортшылар жанкүйерлердің ерекше қолдауына ие болды.
ГҮЛАЙ АШЕКОВА –ТІЛШІ
//Иә, ұлыстың ұлы күнін берекеге балайтын тұрғындардың көңілі шат. Қос мемлекеттің туы қатар көтерілген Байқоңырда осылайша тағылымға бастайтын түрлі салт-жоралғыларымыз көрініс тауып, құндылық құнтталды.