#qyzylordatv #news #қызылорда #жаңалықтар #сыбайлас #жемқорлық #департамент
Сыбайлас жемқорлықтың алдын-алу және жол бермеу - қоғамдағы ең өзекті мәселенің бірі. Облыстық әділет департаментінде осы тақырып аясында дөңгелек үстел өтті. Жиынға облыс бойынша мемлекеттік қызмет істері және сыбайлас жемқорлыққа қарсы іс-қимыл департаментінің мамандары қатысып, жемқорлыққа жол берген тұлғаларға көрілетін шаралар туралы айтты.
Әдеп нормаларын сақтау, жемқорлыққа жол бермеу, бармақ басты, көз қысты әрекеттердің алдын алу - мемлекеттік қызметшілерге қойылатын басты міндеттің бірі. Әділет органдарында осы мақсатта үнемі түсіндірме жұмыстары жүргізіліп отырады. Жиында облыс бойынша сыбайлас жемқорлыққа қарсы іс-қимыл департаментінің бас маманы Айнұр Болат сыбайлас жемқорлықтың алдын-алу бағытында атқарылып жатқан жұмыстарға тоқталды. Жемқорлық - індет, онымен қоғам болып күресуіміз керек. Сыбайлас жемқорлық бойынша қылмысқа тартылған тұлға мемлекеттік немесе квазимемлекеттік секторда жұмыс істей алмайды. Мемлекеттік органдар мен ұлттық компаниялардың басшылары сыбайлас жемқорлық санатына жататын қылмыс жасаған азаматты жұмысқа қабылдаса әкімшілік жауапкершілікке тартылады. Тағы бір мәселе, сыбайлас жемқорлық фактілері туралы хабарлаған адамдарды қорғау шаралары күшейтілді.