#qyzylordatv #news #қызылорда #жаңалықтар #ботаникалықбақ#тазақазақстан

«Таза Қазақстан» экологиялық акциясына Сыр өңірінің тұрғындары ерекше үлес қосуда. Қорқыт ата атындағы Қызылорда университетінің бастамасымен қаладағы ботаникалық бақта тазалық жұмыстары жүргізіліп, мың түп көшет отырғызылды.

Гео. ҚЫЗЫЛОРДА

 Қызылордалықтар тазалық жұмыстарына белсенді қатысуда. Экожоба басталғанда берекелі іске сырбойылықтар алғашқылардың бірі болып атсалысты. Биыл да бұл үрдіс үзілген жоқ. Университет жастары ботаникалық баққа мың түп тал егіп, айналаны көгалдандыруға білек сыбана кірісті. Оған облыстық табиғи ресурстар және табиғат пайдалануды реттеу басқармасы және «AMANAT» партиясы Қызылорда облыстық филиалының қызметкерлері де ұйымшылдықпен үн қосты.

 Жалпыхалықтық сипатқа ие болған акция барысында басқарма басшылары мен партия өкілдері көппен бірге тал егіп, бақты қоқыстан тазартуға қолғабыс етті.

Ботаникалық бақ екі бірдей оқу орны мен студенттер үйінің маңында орналасқан. Сондықтан, бұл аумақ жастардың жиі серуендейтін саябағына айналған. Тазалық жұмыстарын осында өткізу жастарды тазалыққа үндеудің алғышарты дейді ұйымдастырушылар.