#qyzylordatv #news #қызылорда #жаңалықтар #экология #зауыт
Қоршаған ортаға таралатын зиянды заттарды азайту – бүгінгі күннің басты талабы. Осы ретте аймақтағы ірі өндіріс орындары автоматтандырылған экологиялық мониторинг жүйесін енгізуде. Солардың бірі - «Orda Glass» шыны зауыты.
Шыны зауытында арнайы құрылғы былтырдан бастап жұмыс істеп тұр. Ол әр 20 минут сайын ауаға тарайтын зиянды қалдықтардың мөлшерін өлшеп, «Қоршаған орта мен табиғи ресурстардың жай-күйі туралы Ұлттық деректер банкіне» ақпарат жолдап отырады. Бұл жүйе: Атмосфераға таралатын ластаушы заттардың деңгейін анықтайды. Егер артық мөлшер тіркелсе, жауапты органдарға автоматты түрде хабарлама жіберіледі. Осы арқылы қоршаған ортаға тигізетін зиянды әсерді азайтуға бағытталған шараларды күшейтуге мүмкіндік береді.
ӘСЕМ ТЫНАРБАЙ – ОБЛЫС БОЙЫНША ЭКОЛОГИЯ ДЕПАРТАМЕНТІНІҢ БӨЛІМ БАСШЫСЫ
//Мониторингтің автоматтандырылған жүйесін орнату – бұл экологиялық бақылау заңнамасының маңызды бөлігі. Ол өндірістің экологиялық қауіпсіздігін арттыруға, сонымен қатар қоршаған ортаға зиянды заттардың таралуын бақылауда ұстауға бағытталған жүйе. Қызылорда обылысында автоматтандырылған мониторингтік жүйесін орнатқан үш кәсіп орын бар: «СКЗ-U» ЖШС, «Гежуба Шиелі Цемент Комапаниясы» ЖШС, «Orda Glass LTD» ЖШС. Қазақстандағы ірі кәсіп орындарының бірі – шыны өнеркәсібімен айналысатын «Orda Glass LTD» ЖШС бүгінде автоматтандырылған жүйе арқылы Ұлттық деректер банкі ақпарттық жүйесіне деректерді беріп отыр.//