#qyzylordatv
Қызылордада Желтоқсан көшесіндегі көпқабатты үйлердің бірінде өрт болды.
Бұл кадрлар біздің телеоператордың бейнекамера нысанасына іліккен. Оқиға кеше сағат 17-00 шамасында орын алған. Өрт
№4 үйдің бірінші қабатынан басталып, ағашқа және көршілес дәмханаға тараған. Оқиға орнында өрт сөндірушілер мен полиция қызметкерлері жұмыс істеді. Көпқабатты үйдің тұрғындары мен көрші нысандардың келушілері эвакуацияланды. Кадрдан көрініп тұрғандай, өрт сөндірушілер пәтерден газ баллонды сыртқа шығарып, ықтимал жарылыстың алдын алды. Абырой болғанда зардап шеккендер жоқ. Өрт ауыздықталды. Оның шығу себептері әзірге ресми түрде жарияланған жоқ.