#qyzylordatv
Бүгін Өнер орталығында Премьер-министрдің орынбасары Ермек Көшербаевтың төрағалығымен әлеуметтік салаға бағытталған бюджет қаражатын тиімді пайдалану бойынша республикалық семинар-кеңес отырысы өтті. Жиында ел тайқазанынан бөлінетін қаржыны мақсатты әрі тиімді жұмсалуын қадағалау мақсатында әлеуметтік саланы цифрландыру мәселесі сөз болды.
Бюджеттен бөлінген әрбір тиын тиімді жоспарланып, мақсатқа сай жұмсалуы керек. Президент тапсырмасына сәйкес бюджет қаржысы өңірдің ең өзекті деген мәселелерін шешуге, ауқымды инфрақұрылымдық жобаларды жүзеге асыруға, тұрғындардың тұрмыс сапасын жақсартуға бағытталған. Үкімет басшысы осы орайда Қызылорда облысының қаражатты тиімді пайдалану тәжірибесін республикаға үлгі ретінде қолдану керектігін айтқан болатын. Міне, екі күн қатарынан өткен семинар-кеңестің қорытынды отырысында бұл мәселе жан жақты талқыланып, алдағы міндеттер сараланды.
ЕРМЕК КӨШЕРБАЕВ, ҚР ПРЕМЬЕР-МИНИСТРІНІҢ ОРЫНБАСАРЫ \республикалық бюджетте даму бюджеті 23 пайыз ғана. Ол өте аз. Халық сұрайды жол қайда, су қайда деп. Бірақ әлеуметтік салаға жұмсалатын ақша 43 пайыздан асып кетті. Соңғы алты айдың ішінде 43-ті 38 пайызға дейін жеткіздік. Бірақ сумма бұрынғы қалпында, ақшаны нақты істерге жұмсайтын болдық....әлеуметтік көмек, жәрдем ешбір уақытта қысқартылмайды бірақ мұны біз анықтап халыққа дұрыс жеткізудің жолын іздестіріп жатырмыз \
Тілші: Мемлекетік атаулы әлеуметтік көмек шын мұқтаж азаматтарға берілу керек. Өкінішке қарай елімізде табысын жасырып, отбасындағы зейнеткерлер мен мүгедектігі бар адамдарды, жұмыспен қамтылған отбасы мүшелерін есептен шығарып әлеуметтік көмек алып отырғандар бар. Облыс әкімінің тапсырмасымен құрылған мониторингтік жұмысшы топ осындай фактілерді анықтады. Нәтижесінде, соңғы үш жылда облыс бойынша атаулы әлеуметтік көмек алушылардың саны 3 есеге азайып, 5 млрд. 400 млн. теңге бюджет қаржысы үнемделді.
НҰРЛЫБЕК НӘЛІБАЕВ, ОБЛЫС ӘКІМІ \ әлеуметтік қолдау саласындағы бюджетті оңтайландыру бағытында атқарылған жұмыстардың нәтижесінде 2023-2025 жылдары жалпы 8 млрд. 200 млн.теңге бюджет қазынасында қалды....\
МҰРАТ ӘБЕНОВ, ҚР ПАРЛАМЕНТІ МӘЖІЛІСІНІҢ ДЕПУТАТЫ \мемлекеттен бөлінген қаржыны дұрыс пайдалану үлкен мәселе. Бұл ақшаны бақылауға алып, талап қойып, ұрланып жатқан ақшаны тексертіп басқа бағытқа жұмсау республикадан ақша сұрамай жақсы тәжірибе деп есептеймін...... \
Мұндай кемшіліктер білім саласында да кездеседі. Мәселен өңірде «Фейс-бақылау» мобильдік қосымшасы арқылы балалардың күнделікті балабақшаға келуі қадағаланды. Жалған емхана анықтамаларын тіркеу мен негізсіз демалыс күндерін анықтау есебінен 6 млрд. 700 млн. теңге үнемделіп, бюджетке қайтарылды.
ҒАНИ БЕЙСЕМБАЕВ, ОҚУ-АҒАРТУ МИНИСТРІ \мемлекеттің білім саласына бөлініп отырған әрбір тиынның балаға бөлініп отырғаннан кейін оның балаға жетууін қадағалауымыз керек және қаржылық тәртіпке қатаң қарауымыз қажет. ...\
Жалпы облыс бойынша соңғы үш жылда бюджет қаражатының мақсатты жұмсалуына жүргізілген зерделеу, бақылау шараларының арқасында 100 млрд. теңгеден аса қаржы үнемделді. Бұл қаражат халықтың
сұранысына сәйкес маңызды әлеуметтік нысандарды салуға бағытталып жатыр.