МАС ЖҮРГІЗУШІ ҚАМАУҒА АЛЫНДЫ

Жүргізу құқығынан айырылса да тізгінге қайта отырып, мас күйінде көлік басқарған қызылордалық қамауға алынды. Ал автокөлігі айыппұл алаңына қойылды.

Патрульдік полиция қызметкерлері 1 желтоқсан күні сағат 16:30 шамасында қала көшелерінің бірінде "Ниссан" маркалы автокөлігін тоқтатқан. Тексеру барысында көлікті тізгіндеген 38 жастағы тұрғынның көлікті масаң күйде басқарғаны және оның 2021 жылдың мамыр айындағы сот шешімімен жүргізу құқығынан 7 жылға айырылғандығы белгілі болды. Сараптама қорытындысына сәйкес жүргізуші жеңіл дәрежедегі масаң күйде болғандығы анықталды.