#qyzylordatv #жаңалықтар #қызылорда #news #қызылорда #құрылыс
Сыр өңірі жыл өткен сайын жаңарып, көркейіп келеді. Қалада салынған сәулетті ғимараттар аймақтың келбетін айшықтай түскендей. Өткен жылы облыста 197 нысанның құрылысы қарқын алып, жалпы орындалған жұмыс көлемі 291 млрд теңгені құрады. Бұл көрсеткіш бойынша Қызылорда республика көлемінде көш бастады.
Аймақта білім беру саласында ауқымды жобалар жүзеге асуда. Әсіресе, «Жайлы мектеп» ұлттық жобасы аясында құрылыс қарқынды. Жыл соңына дейін 5 мектеп ел игілігіне ұсынылмақ.
ЕРЛАН ТӨРӘЛИЕВ - ОБЛЫСТЫҚ ҚҰРЫЛЫС, СӘУЛЕТ ЖӘНЕ ҚАЛА ҚҰРЫЛЫСЫ БАСҚАРМАСЫНЫҢ БАСШЫСЫ
Білім саласы бойынша үлкен жобалардың бірі – 8 млрд. 400 млн. теңгені құрайтын дарынды балаларға арналған 400 орындық физика-математика бағытындағы мектеп-интернаттың құрылысы қарқынды жүруде. Сондай-ақ, балалар мен жасөспірімдердің шығармашылығын шыңдау мақсатында құны 2 млрд. 500 млн. теңгеге Қызылорда қаласындағы оқушылар сарайы ел игілігіне табысталса, құны 11 млрд. теңгені құрайтын «Шығармашылық академиясының», құны 4 млрд. 200 млн. теңгені құрайтын Музыкалық коллеждың құрылыстары қарқынды жүруде. Бұйырса, мамыр айында қолданысқа беріледі.
Өңірде денсаулық сақтау саласына да ерекше көңіл бөлінуде. Былтыр 22 медициналық нысанның құрылысы жүргізіліп, оның 15-і пайдалануға берілді. Мәдениет, спорт саласы бойынша да атқарылған іс аз емес.
ЕРЛАН ТӨРӘЛИЕВ - ОБЛЫСТЫҚ ҚҰРЫЛЫС, СӘУЛЕТ ЖӘНЕ ҚАЛА ҚҰРЫЛЫСЫ БАСҚАРМАСЫНЫҢ БАСШЫСЫ
Барлық ауданда құны 11 млрд. 500 млн. теңгені құрайтын 7 «Руханият» орталықтары салынып, 2-і ел игілігіне табысталды.2 млрд. 300 млн теңгені құрайтын облыстық тарихи-өлкетану музейі салынып жатыр. Спорт саласында Облыс орталығында халықаралық стандарттарға сәйкес 11 мың орындық Орталық стадион, жабық бассейні бар көп салалы дене шынықтыру-сауықтыру кешені 6,8 млрд. теңге салынуда. Мамыр айында стадионды толық пайдалануға береміз деп отырмыз.
Аймақта соңғы екі жылда 17 мың тұрғынның баспана мәселесі шешімін тапқан. Қазірті таңда тұрғын үй құрылысы бойынша барлығы 1910 пәтерден тұратын 33 көпқабатты тұрғын үйдің құрылысы жүргізілуде.