Бүгін Байқоңыр ғарыш айлағының отыз бірінші алаңынан «Союз» ғарыш кемесі "Прогресс МС-29" жүк кемесін алып ұшады.
Ғарыш стансасына 2,5 тонна жүк, оның ішінде 869 келі жанармай, 420 келі су және 43 келі азот жөнелтілмек. Бұдан бөлек азық-түлік, киім-кешек секілді керек-жарақтар бар. Бір қызығы, бұл жолы әдеттегі азық-түлік түрінен бөлек, кептірілген жылқы және баспақ еті жөнелтілмек. Сондай-ақ 1 тоннаға жуық техникалық құрал-жабдықтар, атап айтар болсақ "Вампир", "Лазма", "Фуллерен" секілді құрылғылар тәжірибе жүргізу үшін ғарышқа жеткізіледі. Ал ұшырылым жергілікті уақыт бойынша бүгін кешкі сағат 17:22-ге жоспарланып отыр.