Өңірде «Ақшабұлақ-Қызылорда» магистралды газ құбырының пайдалануға берілгеніне және «Интергаз Орталық Азия» акционерлік қоғамы «Қызылорда» магистралдық газ құбырлары басқармасы филиалының құрылғанына биыл – 20 жыл. Осыған орай, облыс орталығында құрылымдық бөлімше қызметкерлері арасында шағын футболдан турнир өтті. Ал ардагерлер осы салады атқарылып жатқан жұмыстармен танысты.
Тартысты ойынға 6 команда, 60-қа жуық әуесқой аяқдопшы қатысып, әдемі ойын өрнегін көрсетті. Мұнан кейін, филиал ардагерлері «Ақшабұлақ-Қызылорда» магистральды газ құбырының «Қызылорда» автоматты газ тарату станциясы мен «Бейнеу-Бозой-Шымкент» магистральды газ құбырының «Қараөзек» компрессорлық станциясына барып, атқарылып жатқан жұмыстармен танысты.