Облыс әкімі Жаңақорған ауданына барды

#qyzylordatv 

Жаңақорған ауданында жоғары технологиялық құс фабрикасы іске қосылды. Кәсіпорын жыл сайын 4 мың тоннадан астам құс етін өндіреді. Осылайша, жоба өңірдің импортқа тәуелділігін азайтып қана қоймай, жүзден астам жергілікті тұрғынды жұмыспен қамтымақ. Сондай-ақ, Жаңақорған кенті «МАИ бекеті» шағын ауданындағы су тарату станциясы мен қосылу тармағы пайдалануға берілді. Қос нысанның ашылу рәсіміне облыс әкімі Мұрат Ергешбаев арнайы қатысты.