СЫР ӨҢІРІНДЕ РЕСПУБЛИКА КҮНІ КЕҢ КӨЛЕМДЕ АТАЛЫП ӨТЕДІ
Республика күні бірлігімізді арттырып, елдігімізді нығайтатын ұлық мереке. Айтулы күн облысымызда кең көлемде аталып өтеді. Мереке күндеріне жоспарланған іс-шаралар легі туралы облыс әкімінің орынбасары Шахмардан Байманов баспасөз брифингінде айтты.
ШАХМАРДАН БАЙМАНОВ – ОБЛЫС ӘКІМІНІҢ ОРЫНБАСАРЫ
Республика күні ұлттық мерекесін аймағымызда жоғары деңгейде атап өту үшін арнайы облыстық іс-шаралар жоспары әзірленіп,бекітілді. 23 қазанда ауыл спортшылары арасында «Алтын күз-2024» облыстық 38 спартакиадасы болады. Ұлттық мейрам аясында өткізілетін негізгі іс-шараларға көшсек, 24 қазанда облыс әкімінің қатысуымен «Қазақастаным- өр рухты Отаным» атты салтанатты іс-шара ұйымдастырылып, аймақтың дамуына сүбелі үлесін қосқан бірқатар жерлестеріміз марапатталады. Ал, 25 қазанда облысымыздың барлық аудандары мен Қызылорда қаласында мемлекеттік Рәміздер аллеясында «Қыран елім-Қазақстаным!» Мемлекеттік туды салтанатты көтеру шарасы өткізіледі.
Сондай-ақ «Қыран елім-Қазақстаным!» акциясы аясында мемлекеттік әнұранды жаппай орындау, үйледің терезеріне мемлекеттік туды орналастыру сынды флэш-мобтар ұйымдастырылмақ. Және «Жанашыр жүрек» қайырымдылық акциясы бастау алмақ.