Қазақстандық журналистер Euronews Academy жобасы арқылы біліктіліктерін арттырады. Бұл туралы Мемлекет басшысы Қасым-Жомарт Тоқаевтың қабылдауында болған Euronews директорлар кеңесінің төрағасы Педро Варгас Давид хабарлады.
Кездесуде Қазақстан мен Euronews телеарнасы арасындағы ынтымақтастық мәселелері талқыланды. Қасым-Жомарт Тоқаев елімізде аймақтық хабтың ашылуын өте маңызды оқиға деп бағалады. Осы арқылы дүние жүзінің түкпір-түкпіріндегі көрермен Қазақстанның ғана емес, Орталық Азияның экономикалық, мәдени және туристік әлеуетімен жақын танысуға мүмкіндік алады. Ал, Педро Варгас Давид Euronews Academy жобасының жоспарымен таныстырды. Аталған бастама Қазақстан журналистерінің заманауи технологияларды меңгеруі мен жоғары кәсіби стандарттарды игеруіне бағытталған. Бұл отандық медианың бәсекеге қабілеттілігін арттыруға ықпал етеді.