Өңірдің экономикалық әлеуеті артқан

#qyzylordatv 

Аймақтың әлеуметтік-экономикалық дамуында оң серпін байқалады. Бұл туралы Өңірлік коммуникациялар қызметінің ақпарат алаңында облыстық статистика департаменті басшысының орынбасары айтты.

 АЙБЕК ӘБІЛДАЕВ - ОБЛЫСТЫҚ СТАТИСТИКА ДЕПАРТАМЕНТІ БАСШЫСЫНЫҢ ОРЫНБАСАРЫ 

 2026 жылдың қаңтар-наурызы бойынша облыстың жан басына шаққандағы жалпы өңірлік өнім 631,4 млрд.теңге құрап, 2025 жылдың қаңтар-наурызбен салыстырғанда 5,0% өсті. Өнеркәсіп саласы бойынша, өндіріс көлемі қолданыстағы бағамен 560,7 млрд.теңгені құрап, 2,4%-ға, өңдеу өнеркәсібі бойынша 215 млрд.теңгені құрап, 2025 жылдың сәйкес кезеңімен салыстырғанда 13,8%-ға өсті. Оның ішінде, тамақ өнімдерін өндіру 11,3%-ға, мұнай өңдеу өнімдерінің өндірісі 18,6%-ға, резеңке және пластмасса бұйымдар өндірісі 24,8%-ға, өзге де бейметалл минеральдық өнімдер өндірісі 1,5 есе, металлургия өндірісі 6,0%-ға және машиналар мен жабдықтарды жөндеу және орнатуы 9,9%-ға өсті. 

 Негізгі капиталға салынған инвестициялар көлемі біршама артқан. Сондай-ақ, құрылыс, ауыл шаруашылығы саласында да оң динамика байқалады. 

Және бір қызықты дерек, қалаға қарағанда ауыл халқының саны артып келеді. Жалпы соңғы он жылда Сыр халқы 82 мың адамға көбейген.