#qyzylordatv
Мемлекеттің тиімсіз шығындарын қысқарту үшін бюджет бағдарламаларын бастан-аяқ қайта қарау қажет. Президент үкіметке халықтың табысын арттырып, инфляцияны тежеуді тапсырды. Кеңейтілген отырыста Мемлекет басшысы бірқатар өзекті мәселеге тоқталды. Барлық мемлекеттік орган жауапкершілікті толық сезініп, тапсырмаларды уақытылы орындауы тиіс. Президент кейбір басшылардың жұмыс қарқынын да сынға алып, нақты нәтиже талап етілетінін ескертті. Сонымен қатар мемлекеттік қызметкерлерді көбірек оқуға шақырды.