#qyzylordatv
Біздің облыста 7 мыңға жуық жаяу жүргінші жауапкершілікке тартылыпты. Әрине, жол қозғалысы ережесін бұзғаны үшін. Сондықтан қауіпсіздікке салғырт қарамай, ережені қатаң сақтау ең әуелі өз өміріңіз бен денсаулығыңыз үшін маңызды, - дейді полиция өкілдері
Жол-көлік оқиғаларының орын алуына жаяу жүргіншілердің ережені сақтамауы да себеп болады. Яғни, белгіленбеген жерден өту, жүргіншілер өткелін пайдаланбай кез-келген жерден кесу деректері аз емес. Облыстық полиция департаментінің жедел басқару орталығы жыл басынан бері жол ережесін бұзған 7 мыңға жуық жаяу жүргіншіні анықтапты.
Аталған құқықбұзушылық бойынша әкімшілік хаттамалар рәсімделіп, кінәлілер жауапкершілікке тартылды. «Жолды кез-келген жерден кесіп өте салам, ешкім көріп тұрған жоқ» деп шолақ ойламаңыз, басқару орталығындағы камералар бәрін қадағалап отыр. Сондықтан мұқият болған абзал. Әрине, көлік жүргізушілері де жылдамдық режимін сақтағандары жөн.